نیویارک (نمائندہ خصوصی) — پاکستان اور امریکہ کے درمیان دوطرفہ تجارتی تعلقات کو فروغ دینے کے لیے ایک اہم سنگ میل عبور کر لیا گیا ہے۔ یو ایس اے بروکلین چیمبر آف کامرس، نیویارک اور گلوبل ٹریڈ ایکسپو سینٹر پاکستان کے درمیان تجارتی مفاہمتی یادداشت (MoU) پر دستخط کیے گئے۔
یہ معاہدہ دوسری پاکستان امریکہ ایس ایم ایز ٹریڈ اینڈ بزنس ڈیلیگیشن کے دوران ستمبر 2025 میں طے پایا، جس کی قیادت گلوبل ٹریڈ ایکسپو سینٹر پاکستان کے چیئرمین و سی ای او جناب مظہر حسین تھاتھل نے کی۔ امریکی جانب سے بروکلین چیمبر آف کامرس کے صدر جناب رینڈی پیئرز نے نیویارک میں ایک خصوصی تقریب کے دوران اس MoU پر دستخط کیے۔
اس شراکت داری کا مقصد کاروباری روابط کو وسعت دینا، تجارتی مواقع کو بڑھانا اور دونوں ممالک کے درمیان مشترکہ تجارتی وفود، نمائشوں اور B2B سیشنز کا انعقاد ہے۔
