نان بائیوں کا معاشی قتل بند کیا جائے، سستے آٹے کی فراہمی یقینی بنائی جائے: نانبائی ایسوسی ایشن 28 اکتوبر تک سبسڈائز آٹا فراہم نہ کیا گیا تو اپنے تندور بند کرک کے ہرتال پر چلے جائیں گے

اسلام آباد(ملک راشد نزیر) نانبائی ایسوسی ایشن راولپنڈی کے صدر شفیق قریشی نے حکومت سے مطالبہ کیا ہے کہ آٹے میں ہونے والا حالیہ اضافہ واپس لیا جائے،گیس ، بجلی اور ایل پی جی کی قیمتیںکنٹرول کی جائیں، گیس کی لوڈشیڈنگ بند کی جائے نانبائیوں کا معاشی قتل بند کیا

 جائے، مہنگا آٹا خرید کر سستی روٹی نہیں بیچ سکتے، 28 اکتوبر تک سبسڈائز آٹا فراہم نہ کیا گیا تو اپنے تندور بند کرنے پر مجبور ہونگے جس سے ہزاروں خاندان بیروزگار ہو جائیں گے،انہوں نے ان خیالات کا اظہار نانبائی ایسوسی ایشن راولپنڈی کے جنرل سیکرٹری خورشید قریشی، تنظیم تاجران پاکستان کے صدر کاشف چوہدری و دیگر کے ہمراہ روٹی کی قیمتوں کے حوالے سے این پی سی میں منعقدہ پریس

 کانفرنس کرتے ہوئے کیا،شفیق قریشی کا مزید کہناتھا کہ آٹے کی قیمتوں میں دوگنا اضافہ ہو چکا ہے مگر روٹی کی قیمت میں اضافہ نہیں ہوا اور پنجاب حکومت تندور مالکان کو روٹی 14 روپے میں فروخت کرنے پر مجبور کر رہی ہے جبکہ آٹے کے ساتھ بجلی گیس اور ایل پی جی کی قیمتوں میں بے تہاشا اضافہ ہو چکا ہے، تندور مالکان اگر ایک روپیہ روٹی کی قیمت بڑھا دیں تو ان پر بھاری جرمانے اور گرفتاریاں کی جاتیں ہیں جبکہ دوکانیں سیل کر دی جاتی ہیں،جو کہ

 انتہائی ناانصافی اور سراسر نانبائیوں پر ظلم کے مترادف ہے،انہوں نےمزید کہا کہاگر ڈی سی کے حکم کے مطابق سستے آتے کی فراہمی نہ کی گئی تو اپنا کاروبار بند کرنےپر مجبور ہونگے جس سے ہزاروں خاندانوں کے بیروزگار ہونے کا خدشہ ہے،اس موقع پر تنظیم تاجران پاکستان کے صدر کاشف چوہدری نے کہا کہ حکمرانوں کی جانب سے روٹی کے نام پر سیاست کی جارہی ہے، اس وقت ملک میں پانچ ہزار روپے بکنے والی آٹے کی بوری کی قیمت دس ہزار پر پہنچ چکی ہے، دوکانوں کے کرائے، بجلی، گیس ، ایل پی جی اور ملازمین کی تنخواہوں میں کئی گنا اضافہ ہو چکا ہے مگر

 حکومت ڈنڈے اور طاقت کے زور پر نانبائیوں کو کم قیمت پر روٹی بیچنے پر مجبور کر رہی ہے جس سےنانبائیوں کی پریشانی بڑھ رہی ہے اور وہ کاروبار بند کرنے پر مجبور ہو رہے ہیں،کاشف چوہدری نے مزید کہا کہ آٹا ملز مالکان، چینی اور دوائی مافیاء کو مکمل چھوٹ ہے کیونکہ انکے مالکان اقتدار کے ایوانوں میں موجود ہیں جبکہ حکومت کا سارا زور غریب نانبائیوں پر اترتا ہے،نانبائی مہنگا آٹا خرید کر سستی روٹی کیسے بیچ سکتے ہیں،جو ملک کو لوٹ رہے ہیں انکا احتساب کون کریگا، جب تک سول بیورو کریسی حکمرانوں کو حقیقت سے آگاہ نہیں کریگی یہ حالات ٹھیک نہیں ہونگے،کاشف چوہدری نے اعلان کیا کہ تنظیم تاجران پاکستان کسی بھی احتجاج میں نانبائی ایسوسی ایشن کے شانہ بشانہ کھڑی ہو گی اور بے حس حکمرانوں کا ضمیر جگانے میں اپنا کردار ادا کریگی۔